「腦作」到塞塞地嘅時候，最好搵啲唔關事嘅嘢撞吓，咁就自然腦輕鬆。
查實上網都可以搜尋到佢嘅料，不過話明要開腦，懶得睇字就梗係整隻DVD。
「大」導演Sydney Pollack 嘅documentary主角係畢爾包古根漢博物館嘅建築設計師Frank伯。呢位接近八十歲嘅阿伯，件件作品奇形怪狀，烏喱單刀，用料奇特，靚仔騎呢集於一身，總之黐黐地話知理。最啱嗰啲個腦塞塞哋，索佢兩啖即刻成個通晒。

香港已經有好多出色設計嘅建築物，但係如果可以有一件阿Frank嘅簽名式作品，衝擊一吓都未嘗不可，如果唔係就真係平平無「奇」。